Një boksiere transgjinore e cila më parë ishte ndaluar të merrte pjesë në kampionatin botëror për shkak se dështoi në testet e testosteronit dhe të përshtatshmërisë gjinore, ka fituar ndeshjen e saj të parë olimpike pasi kundërshtarja e saj u dorëzua.

Algjeriania Imene Khelif fitoi ndeshjen pas vetëm 46 sekondash, pasi italiania Angela Carini u dorëzua pas disa sekondash. Italiania ra në tokë dhe shpërtheu në lot pas dorëzimit dhe nuk pranoi t’i jepte dorën Khelifit pas shpalljen së vendimit.
Carani tha pas ndeshjes se u dorëzua pas dhimbjeve të forta në hundë që ishin shkaktuar nga grushtet e kundërshtarit.

“Unë nuk jam këtu për të gjykuar, apo për t’u gjykuar. Nëse është e drejtë apo nuk është e drejtë, nuk më takon mua të vendos. Unë thjesht bëra detyrën time si boksierë. Hyra në ring dhe luftova” shtoi Carini.
Kujtojmë që boksierja algjeriane Khelif në kampionatin botëror në Neë Delhi të një viti më parë u skualifiku disa orë përpara ndeshjes së saj, pasi nuk përmushte kriteret e pranimit të IBA.

Ndërkohë që kryemistrja italiane, Giorgia Meloni, po vizitonte sportistët italianë, shprehu kritika në lidhje me faktin se Carini duhej të boksonte me Khelif.

“Duhet t’i kushtojmë vëmendje, në përpjekje për të mos diskriminuar, se ne në fakt po diskriminojmë të drejtat e grave. Kjo është e padrejtë”, tha Meloni.
Ajo shtoi se ishte e çuditshme “që mund të ketë një dyshim, dhe shumë më tepër se një dyshim, për një garë të padrejtë dhe potencialisht të rrezikshme për një nga pretendentët në Lojërat Olimpike, një ngjarje që simbolizon drejtësinë sportive“.

Nga Gazeta Sot.